3-oktabr, shanba kuni Janubiy Yevropada NATOning so‘nggi 10 yillikdagi eng yirik harbiy mashg‘ulotlari boshlanadi. Bu haqda “Korrespondent.net” xabar bermoqda.
Mashg‘ulotlar Ispaniya, Italiya va Portugaliyada, O‘rtayer dengizi va Atlantika okeanida bo‘lib o‘tadi va 6-noyabrga qadar davom etadi. Mashg‘ulotlarga 30 mamlakatdan 36 ming kishi, 140 samolyot va 90 tagacha suvosti va suvusti kemalari jalb etiladi.
“Trident Juncture-2015 mashg‘ulotlaridan ko‘zlangan maqsad — NATOning tezkor kuchlarini tayyorlash va imkoniyatlarini tekshirishdir. Mazkur o‘quv mashqlari bizning harbiy doktrinamiz va jarayonlarimiz haqiqiy inqiroz sharoitida samarali ekanligini ko‘rsatib berishi kerak, chunki bizning vazifamiz — odamlar, hududlari va alyans qadriyatlarini himoya qilishga tayyor turishdir”, — dedi mashg‘ulotlar qo‘mondoni general Xans-Lotar Domreze.
Eslatib o‘tamiz, sentabr oyi boshida Vengriyada NATOning Brave Warrior 2015 keng ko‘lamli harbiy mashg‘ulotlari bo‘lib o‘tgandi.
Izoh (0)