Rossiyaning “Progress M-29M” transport yuk kemasi Xalqaro koinot stansiyasiga (XKS) muvaffaqiyatli birikdi. Bu haqda “RBK” xabar bermoqda.
Birikuv 2-oktabr kuni ro‘y berdi. Kema XKSga 2,5 tonna “quruq” yuk, yonilg‘i komponentlari, suv va gaz zaxiralari, shuningdek, XKS bortida o‘tkaziladigan ilmiy tajribalar uchun jihozlarni yetkazib berdi. Undan tashqari, “Progress M-29M” stansiya tarkibidagi amaliyotlarda ishtirok etib, ishlab chiqqan jihozlar va qoldiqlarni olib ketadi.
Eslatib o‘tamiz, 1-oktabr kuni Boyqo‘ng‘irdan koinotga yo‘l olgan mazkur kema “Progress M-M” turkumidagi so‘ngisi bo‘ldi. Shu yil noyabr oyida modernizatsiya qilingan “Progress MS” turkumidagi yangi kemaning parvozi rejalashtirilgan.
Izoh (0)