B61-12 атом бомбаларини ишлаб чиқариш ишлари 2020 йилдан аввал бошланмайди, 2015 йилда уларни Германия етказиб бериш режалаштирилмаяпти. Бу ҳақда, РБК’ нинг хабар беришича, АҚШ Энергетика вазирлиги ҳузуридаги Ядровий хавфсизлик бўйича миллий бошқарма матбуот хизмати бошлиғи ўринбосари Шелли Лавер «ТАСС»га маълум қилди.
«Мазкур бомбаларнинг жорий йил охиригача Европага жойлаштирилиши ҳақидаги мақолалар ноаниқдир», — деди Лавер. Унинг сўзларига кўра, ҳозирги вақтда фақат бомба ташувчи самолётлар модернизация қилиняпти, холос. Аслаҳаларни етказиб бериш ҳақида ҳозирча гап йўқ.
Германия қуролли кучларининг Бюхел авиабазасига янги намунадаги B61-12 атом бомбаларининг 20 таси жойлаштирилиши ҳақида аввалроқ Германиянинг ZDF телеканали хабар берган эди.
Кремлнинг маълум қилишича, агар Германияга АҚШнинг янги атом бомбалари жойлаштириладиган бўлса, Россия бунга жавобан аксилчоралар кўради. Ҳарбий-дипломатик доиралардаги манбаларнинг маълум қилишича, Россия Калининград остонасига «Искандер-М» тезкор-тактик ракета мажмуаларини ўрнатиши мумкин.
Изоҳ (0)