Germaniyaga yangi yadro qurol-yarog‘larining joylashtirilishi Yevropadagi kuchlar strategik muvozanatini buzadi va tanglikni yuzaga keltiradi, Rossiya esa tenglikni tiklash uchun bunga qarshi choralar ko‘rishiga to‘g‘ri keladi. Bu haqda Rossiya prezidenti matbuot kotibi Dmitriy Peskov aytib o‘tdi, deb yozadi “RIA Novosti”.
Germaniyaning ZDF telekanali AQSh byudjet idorasi hujjatlariga tayanib, Germaniya bundesveri (qurolli kuchlari) aviabazasiga B61-12 turidagi yangi yadro bombalarini joylashtirishga tayyorgarlik ko‘rilayotgani haqida ma’lum qilgan edi. Germaniya mudofaa vazirligi buni izohlashdan bosh tortgan bo‘lsa, Pentagon AQSh yadro quroli bo‘yicha hech qanday bitimni buzmayapti, deb hisoblashini aytgan edi.
Peskov buning Yevropa qit’asida keskinlikni oshirishga qarab tashlangan “jiddiy qadam” ekanligini ta’kidladi.
Izoh (0)