Ukraina tashqi ishlar vaziri Pavel Klimkin Ukraina Rossiyadan talab qiladigan tovon puli “YuKOS” ishi bo‘yicha tovon miqdori bilan qiyoslana olishini ma’lum qildi, deb yozadi Meduza. Neft kompaniyasining sobiq aksiyadorlari Rossiyadan Gaaga sudida 50 milliard dollar talab qilgan edi.
Ukraina Qrimning ajralib chiqishi va Donbassdagi urush uchun tovon puli undirmoqchi, Kiyev bunda Rossiya hukumatini ayblamoqda.
“Biz barchasini hisoblab chiqdik. Hatto tabiiy resurslar, jumladan biz foydalana olmaydigan qum narxini ham hisobga oldik”, — dedi Klimkin.
Eslatib o‘tamiz, 2006-yilda Moskva hakamlar sudi soliq organi arizasi bilan YuKOSni bankrot deb e’lon qilgan, uning asosiy aktivlari “Rosneft”ga o‘tgan edi. YuKOS sobiq aksiyadorlari Gaaga sudiga murojaat qilib, kompaniya majburan tortib olingani uchun tovon puli talab qilgan.
Izoh (0)