21-sentabr, dushanba kuni ijtimoiy tarmoqlar foydalanuvchilari kalamush ishtirokidagi rolikka e’tibor qaratdi, unda Nyu-York metrosida kalamush og‘zida butun pitssa bo‘lagi bilan zinadan tushishga urinayotgani aks etgan, deb yozadi TJournal.
Bir kecha-kunduzda videoni 1,2 milliondan ortiq marta tomosha qilishdi, shuningdek, u “Vox.com”, Mashable, Gawker, The Huffington Post kabi yirik G‘arb internet nashrlari e’tiboriga ham tushdi.
Videoda kemiruvchi zina ortiga o‘tib, operatordan yashirinadi, biroq ko‘p o‘tmay yana qaytib keladi.
Gawker nashri kalamushni “Ratatuy” multfilmi qahramoni, shuningdek, “Uyda yolg‘iz” filmidagi bolaga qiyosladi, buni kemiruvchi katta shaharda yolg‘iz jon saqlab qolishga intilishi bilan bog‘ladi. Mashable jurnalistlari esa kalamush o‘z xatti-harakatlari bilan “orzu qilishga o‘rgatishi”ni ta’kidladi.
Izoh (0)