Германияга янги ядро қурол-яроғларининг жойлаштирилиши Европадаги кучлар стратегик мувозанатини бузади ва тангликни юзага келтиради, Россия эса тенгликни тиклаш учун бунга қарши чоралар кўришига тўғри келади. Бу ҳақда Россия президенти матбуот котиби Дмитрий Песков айтиб ўтди, деб ёзади «РИА Новости».
Германиянинг ZDF телеканали АҚШ бюджет идораси ҳужжатларига таяниб, Германия бундесвери (қуролли кучлари) авиабазасига B61-12 туридаги янги ядро бомбаларини жойлаштиришга тайёргарлик кўрилаётгани ҳақида маълум қилган эди. Германия мудофаа вазирлиги буни изоҳлашдан бош тортган бўлса, Пентагон АҚШ ядро қуроли бўйича ҳеч қандай битимни бузмаяпти, деб ҳисоблашини айтган эди.
Песков бунинг Европа қитъасида кескинликни оширишга қараб ташланган «жиддий қадам» эканлигини таъкидлади.
Изоҳ (0)