O‘tgan haftada Chilida ro‘y bergan kuchli zilzila oqibatida 9 mingdan ziyod kishi boshpanasiz qoldi. Bu haqda mamlakat ichki ishlar vazirligi ma’lumotlariga tayanib, Interfax xabar bermoqda.
Rasmiylar Kokimbo provinsiyasining olis hududlarini tekshirganidan so‘ng, uy-joysiz qolgan kishilar soni keskin oshdi. 25-sentabr, juma kuniga qadar barcha jabrlanganlar to‘g‘risida ma’lumot to‘plashga umid qilinmoqda.
Ichki ishlar vaziri o‘rinbosari Mahmud Aleuining aytishicha, zilzila qurbonlari soni o‘zgarmagan: 13 kishi. To‘rt kishi esa dom-daraksiz yo‘qolgan.
Izoh (0)