Apple kompaniyasi Mac kompyuterlari uchun OS X El Capitan operatsion tizimini 30-sentabrda ishga tushiradi. Bu haqda kompaniya vakillari ma’lum qilgan.
El Capitan platformasida yangilanishlar 2014-yilgi Yosemite’dagi kabi ko‘p emas. Mutaxassislar asosan ikki jihat: mobil iOS’ga yaqinlashuvchi tizimda ishlash tajribasi va unumdorlikka e’tibor qaratdi.
El Capitan’dagi asosiy yangiliklar qatorida o‘yinlar va dasturlarda ravon grafikani ta’minlab beruvchi Metal surilgichi, ekranda ikki dastur bilan bir paytning o‘zida ishlash imkoniyati hamda San Francisco nomli yangi shriftni sanab o‘tish mumkin.
Tizimning doimiy dasturlari ham yangilandi. Safari brauzerida Pinned Sites funksiyasi ko‘p kiriladigan saytlarni jamlaydi, Mute nomli yangi tugma esa istalgan sahifadan keluvchi ovozni o‘chiradi. El Capitan yangi iPhone 6s va 6s Plus telefonlarida suratga olish mumkin bo‘lgan fotosuratlar va ovozli qisqa videoroliklar jamlanmasi — Live Photos’ni kompyuterda ko‘rishga ham imkon beradi.
Yangi operatsion tizimni bepul yuklab olish mumkin.
Izoh (0)