Германиялик афсонавий футболчи Лотар Маттеус ва Италия термаси билан ЖЧ-2006 да ғолиб чиққан собиқ футболчи Жанлука Замбротта 2018 йилги жаҳон чемпионати бошланишига 1000 кун қолгани муносабати билан ташкил этиладиган тантанали маросимларда қатнашишга розилик билдирди. Бу ҳақда «Интерфакс» хабар бермоқда.
Маттеус ва Замбротта 16 ёшгача бўлган ўсмирлар ўртасида 18 сентябрда Қизил майдонда старт оладиган халқаро футбол мусобақасининг фахрий меҳмони бўлади. Унда сўнгги уч жаҳон чемпионатида ғолиб чиққан мамлакатлар — Италия, Испания ва Германия, шунингдек, ЖЧ-2018 мезбони сифатида Россия термалари қатнашади.
Бундан ташқари, Маттеус ва Замбротта ЖЧ-2018 стартига қадар қолган вақтни кўрсатиб турувчи соатларни ишга тушириш маросимида ҳам қатнашади. Мазкур маросим 18 сентябрь куни Москва вақти билан 13:00 да Манеж майдонида бўлиб ўтади.
Изоҳ (0)