Xitoyning Gansu provinsiyasida 20 nafar sinfdoshini kalamushni o‘ldiradigan dori bilan qasddan zaharlashda gumon qilinib, o‘quvchi qiz hibsga olindi, deya xabar bermoqda ECNS.
Hodisa 1-sentabr kuni Gaolan uyezdida sodir bo‘lgan. Mahalliy maktab o‘quvchilari zaharlanish belgilaridan shikoyat qilgan. Keyinroq qiz ular ichadigan suvga kalamush dorisini sepib qo‘yganini tan oldi.
14 o‘quvchi kasalxonaga yotqizildi, ularning to‘rt nafari og‘ir ahvolda. 4-sentabr kuni bolalarning barchasiga uyga javob berildi.
Politsiya hodisa yuzasidan tekshiruv olib bormoqda. Qizning o‘z sinfdoshlarini zaharlashdan maqsadi ma’lum emas.
Izoh (0)