Hindistonda 2010-yili Jammu va Kashmir shtatida chegara to‘qnashuvlarini soxtalashtirgani uchun “harbiy-dala sudining qaroriga muvofiq, hindistonlik ikki zobit va to‘rt nafar oddiy askarga nisbatan umrbod ozodlikdan mahrum etish jazosi tayinlandi”. Bu haqda “TASS” xabar bermoqda.
Sudning aniqlashicha, 2010-yil 30-aprel kuni harbiy xizmatchilar uch nafar kashmirlik ishchini pul berish va ishga joylashtirish va’dalari bilan aldab, Kupvara chegara tumanida o‘z tomoniga og‘dirgan. So‘ngra ular bu qurolsiz shaxslarni o‘ldirib, go‘yoki Pokiston tomonidan yashirincha kirib kelgan jangarilar bilan soxta to‘qnashuv holatini uyushtirgan. Shundan so‘ng, qo‘mondonlikka chegara himoyachilarining “qahramonliklari” haqida batafsil axborot taqdim etilgan.
Mazkur hodisa halok bo‘lgan kishilarni oddiy dehqon sifatida tanigan mahalliy aholiga ma’lum bo‘lganidan so‘ng, Kashmirda ommaviy norozilik namoyishlariga sabab bo‘lgandi. Namoyishchilar va xavfsizlik kuchlari o‘rtasidagi to‘qnashuvlarga aylanib ketgan mazkur namoyishlar vaqtida 120 nafar tinch aholi vakili halok bo‘lgan.
Izoh (0)