Tojikiston IIV: hukumatga qarshi jinoiy guruhning 31 nafar a’zosi qo‘lga olindi

Tojikiston kuch tuzilmalari bo‘linmalari Ramit darasidagi maxsus amaliyot chog‘ida isyonchi general Abduhalim Nazarzoda boshchiligidagi hukumatga qarshi qurolli guruhning yana 14 nafar ishtirokchisini qo‘lga oldi. Bu haqda mamlakat IIV ma’lumotlariga tayanib, “TASS” xabar bermoqda.

“4—7-sentabr kunlari hammasi bo‘lib ushbu jinoiy guruhning 31 a’zosi qo‘lga olindi, 13 kishi yo‘q qilindi, —deya ta’kidladi vazirlik matbuot markazi vakili. —Ko‘plab miqdorda qurol-yarog‘, jumladan, 20 dan ziyod avtomat, ikki pulemyot, granatalar va bir necha ming patron topilgan”.