Britaniya Kengashi raisi ser Vernon Jeym Ellis rasmiy tashrif bilan Toshkentga keldi. Tashrifdan maqsad Kengashning O‘zbekistondagi faoliyati bilan tanishuv va kelgusidagi hamkorlikni muhokama etishdan iborat. Bu haqda "Gazeta.uz" xabar bermoqda.
Tashrif chog‘ida Bosh vazirning birinchi o‘rinbosari Rustam Azimov, xalq ta’limi vaziri Ulug‘bek Inoyatov, oliy va o‘rta maxsus ta’lim vaziri Alisher Vaxabov, madaniyat va sport ishlari vaziri Bahodir Ahmedov hamda Savdo-sanoat palatasi raisi Alisher Shayxov bilan muzokaralar o‘tkazilishi ko‘zda tutilgan. Shunindek, O‘zbekistondagi Britaniya Kengashi loyihalari ishtirokchilari va hamkorlari bilan ham uchrashuvlar rejalashtirilgan.
Eslatib o‘tamiz, dunyoning 110 mamlakatida vakolatxonalari bo‘lgan Britaniya Kengashi O‘zbekistonda 1996-yildan beri faoliyat olib bormoqda.
Izoh (0)