“Chelsi” bosh murabbiyi Joze Mourinyo Ginnesning Rekordlar kitobining 2016-yilda chiqadigan yangi nashridan joy oldi, deb xabar qiladi “Chelsi” klubi rasmiy sayti.
Shu munosabat bilan murabbiyga uning rekord o‘rnatganligi haqidagi sertifikatlar taqdim etildi.
Kitobga Mourinyoning murabbiylik davridagi quyidagi rekordlari kiritiladi:
- Murabbiy sifatida uy o‘yinlarida eng uzoq vaqt davom etgan mag‘lubiyatsiz seriya (to‘qqiz yil);
- Yevropa Chempionlar Ligasini turli jamoalar bilan eng ko‘p yutish (ikkita);
- Yevropa Chempionlar Ligasida murabbiy sifatida 100 ta o‘yin o‘tkazgan eng yosh mutaxassis (49 yoshu 12 kunlik);
- Angliya Premyer-ligasida eng ko‘p ochko to‘plash (95);
- APLning uy o‘yinlarida eng uzoq vaqt mag‘lubiyatga uchramaslik (77).
“Mukofotlar albatta, ish kabinetimdan joy oladi. Bolaligimda qachonlardir Ginnesning Rekordlar kitobiga kirishim mumkinligini tasavvur ham qilmagandim. Bu mukofotlar mening o‘tmishdagi ishlarim uchun berildi, bu albatta, juda yoqimli. Lekin men uchun kelajakda nimalar qilishim muhim”, — dedi Mourinyo.
Izoh (0)