Itning vovullashidan asabiylashgan portugaliyalik qariya uch kishining umriga zomin bo‘ldi

Portugaliyada otishma oqibatida uch kishi, jumladan, ikki nafar politsiya xodimi o‘ldirildi. Bu haqda BBC News xabar bermoqda.

Hodisa mamlakat poytaxti Lissabondan 30 kilometr uzoqlikda joylashgan Kinta-du-Konde aholi punktida ro‘y berdi: itning vovullashidan darg‘azab bo‘lgan 77 yoshli qariya agar uning ovozi o‘chmasa, qo‘shnisini omon qo‘ymasligini aytib, tahdid qiladi. Yuzaga kelgan janjalni tinchitish uchun yugurib kelgan fuqaro kiyimidagi politsiyachi otib o‘ldiriladi. Undan so‘ng chaqirtirilgan politsiya xodimi ham kallasidan o‘q yeb, halok bo‘ladi. Fuqaro kiyimidagi politsiyachi otasiga yordam bermoqchi bo‘lgan o‘g‘il uchinchi qurbon bo‘ldi: u otishmada jiddiy yaralangan va keyinchalik kasalxonada hayotdan ko‘z yumgan.

Uch kishining qotiliga aylangan qariya ov qurolidan joniga qasd qilishga urindi, ammo uni qo‘lga olib, kasalxonaga yetkazishgan.