Португалияда отишма оқибатида уч киши, жумладан, икки нафар полиция ходими ўлдирилди. Бу ҳақда BBC News хабар бермоқда.
Ҳодиса мамлакат пойтахти Лиссабондан 30 километр узоқликда жойлашган Кинта-ду-Конде аҳоли пунктида рўй берди: итнинг вовуллашидан дарғазаб бўлган 77 ёшли қария агар унинг овози ўчмаса, қўшнисини омон қўймаслигини айтиб, таҳдид қилади. Юзага келган жанжални тинчитиш учун югуриб келган фуқаро кийимидаги полициячи отиб ўлдирилади. Ундан сўнг чақиртирилган полиция ходими ҳам калласидан ўқ еб, ҳалок бўлади. Фуқаро кийимидаги полициячи отасига ёрдам бермоқчи бўлган ўғил учинчи қурбон бўлди: у отишмада жиддий яраланган ва кейинчалик касалхонада ҳаётдан кўз юмган.
Уч кишининг қотилига айланган қария ов қуролидан жонига қасд қилишга уринди, аммо уни қўлга олиб, касалхонага етказишган.
Изоҳ (0)