“Oryol i reshka” ko‘rsatuvining O‘zbekiston haqidagi soni 4-sentabr kuni efirga chiqadi, deya xabar bermoqda “Myday.uz”.
Ko‘rsatuv 4-sentabr kuni Toshkent vaqti bilan 21:00 da “Pyatnitsa” kanali orqali namoyish etiladi.
Eslatib o‘tamiz, Ukrainaning “Oryol va reshka. Shoping” teleko‘rsatuvi may oyi oxirida Samarqand, Toshkent va Buxoroda suratga olingan edi.
Ko‘rsatuv g‘oyasi quyidagicha: har hafta ikki boshlovchi shopping uchun dunyoning turli shaharlariga boradi, ulardan biriga pul miqdori chegaralanmagan “oltin bank kartasi”, ikkinchisiga esa bor-yo‘g‘i 100 dollar beriladi. Kim nimani olishi esa tanga tashlash orqali aniqlanadi. Agar “burgut” tushsa boshlovchi oltin kartani, aks holda 100 dollarni oladi.
Dastur davomida boshlovchilar teletomoshabinlarni shaharning diqqatga sazovor joylari, o‘zlari yashayotgan mehmonxona va uning narxlari bilan tanishtiradi. “Oryol i reshka. Shopping”ning Facebook tarmog‘idagi sahifasida teletomoshabinlar narxi 100 dollardan oshmaydigan sovg‘a so‘rashi mumkin. Eng noyob sovg‘alar teletomoshabinga jo‘natiladi.
Izoh (0)