Germaniyalik olim Kristian Lukxaup 2006-yili Indoneziyada topilgan daryo qisqichbaqalarini AQSh maxsus xizmatlarining sobiq xodimi Edvard Snouden sharafiga nomladi. Bu haqda “Korrespondent.net” xabar bermoqda.
Foto: korrespondent.net
“Bir qator yangi turlarni ta’riflab, men ulardan birini Edvard Snouden sharafiga nomlashni o‘ylab qoldim, chunki u menda haqiqatan ham chuqur taassurot qoldirdi. Odamlar sharafiga nomlangan turlar juda ham ko‘p, biroq bu odamlar, ehtimol, insoniyat uchun ko‘p ish qilmagan chiqar. Men Edvard Snoudenni qo‘llab-quvvatlashni istardim. U qandaydir noodatiy ishni amalga oshirdi”, — dedi olim.
Lukxaupning so‘zlariga ko‘ra, Cherax snowden qisqichbaqasi Yangi Gvineya orolining g‘arbiy qismidagi chuchuk suvli daryolarda hayot kechiradi, dushmanlaridan yashirinib, toshlar ostida yashirincha yashaydi va ovga faqat tunda chiqadi.
