Германиялик олим Кристиан Лукхауп 2006 йили Индонезияда топилган дарё қисқичбақаларини АҚШ махсус хизматларининг собиқ ходими Эдвард Сноуден шарафига номлади. Бу ҳақда «Корреспондент.net» хабар бермоқда.
«Бир қатор янги турларни таърифлаб, мен улардан бирини Эдвард Сноуден шарафига номлашни ўйлаб қолдим, чунки у менда ҳақиқатан ҳам чуқур таассурот қолдирди. Одамлар шарафига номланган турлар жуда ҳам кўп, бироқ бу одамлар, эҳтимол, инсоният учун кўп иш қилмаган чиқар. Мен Эдвард Сноуденни қўллаб-қувватлашни истардим. У қандайдир ноодатий ишни амалга оширди», — деди олим.
Лукхаупнинг сўзларига кўра, Cherax snowden қисқичбақаси Янги Гвинея оролининг ғарбий қисмидаги чучук сувли дарёларда ҳаёт кечиради, душманларидан яшириниб, тошлар остида яширинча яшайди ва овга фақат тунда чиқади.
Изоҳ (0)