Meksikaning Michoakan shtati, Patskuaro munitsipiyasida ro‘y bergan avtohalokat kamida 9 kishining umriga zomin bo‘ldi. Bu haqda "TASS" xabar bermoqda.
Mahalliy ma’murlarning xabar berishicha, noma’lum sabablarga ko‘ra, tirkamali yuk mashinasi ko‘prikda yengil avtomobil bilan to‘qnashib ketgan. To‘qnashuvdan so‘ng, yuk mashinasi ag‘darilib, uning tirkamasi avtomobilni bosib qolgan. To‘qqiz kishi, jumladan, besh nafar bola bo‘lgan yuk mashinasining kabinasi yoqilg‘i to‘kilishi oqibatida yonib ketib, 25 metr balandlikdagi ko‘prikdan qulagan.
Hodisa joyiga yetib kelgan qutqaruvchilar yengil avtomobil bo‘laklari orasidan jiddiy jarohat olgan ikki kishini tortib olib, kasalxonaga yetkazgan.
Izoh (0)