AQShning Sinsinnati shahrida tennis bo‘yicha “Masters” seriyasiga kiruvchi, sovrin jamg‘armasi 4 million 457 ming dollardan iborat yirik turnirning saralash bahslari yakunlandi, deb xabar beradi “Olamsport.com”.
Reytingdagi o‘rnini pasaytirib olgan o‘zbekistonlik tennischi Denis Istomin ushbu musobaqaning aynan saralash bahslarida ishtirok etdi.
O‘zbekistonning birinchi raketkasi saralashning ilk davrasida slovakiyalik Blaj Rolani 1:6, 7:6(6), 6:4 hisobida mag‘lub etgandi. Afsuski, Istomin asosiy to‘rga chiqish yo‘lida germaniyalik Aleksandr Zverevga 2:6, 6:3, 3:6 hisobida imkoniyatni boy berib qo‘ydi. Denis bitta g‘alaba uchun 1590 dollar mukofot puliga ega bo‘ldi, lekin ochko olmadi.
Izoh (0)