13-avgust, payshanbaga o‘tar kechasi Turkiya sharqidagi harbiy postlarga hujum uyushtirgan Kurdiston Ishchi partiyasining (KIP) yetti nafar jangarisi yo‘q qilindi. Bu haqda Turkiya qurolli kuchlari vakillari ma’lum qildi, deya xabar bermoqda “RIA Novosti”.
Ma’lumotlarga ko‘ra, KIP jangarilari Silopi va Diyadin shaharlaridagi harbiy baza va politsiya postlariga hujum uyushtirgan. To‘qnashuv chog‘ida birinchi shaharda to‘rt nafar, ikkinchisida esa uch nafar jangari yo‘q qilingan.
Turkiyadagi vaziyat 20-iyulda KIP mamlakatning Suriya bilan chegarasida uyushtirgan teraktdan so‘ng murakkablashdi. Keyingi uch hafta mobaynida 35 kishi, jumladan, 24 nafar politsiyachi va harbiy kurd jangarilari qurboni bo‘ldi.
Izoh (0)