Misrdagi ko‘pchilik provinsiyalarda hukm surayotgan jazirama oqibatida issiq urib yoki yurak xuruji tufayli 60 dan ziyod kishi hayotdan ko‘z yumdi, 581 kishi kasalxonalarga yotqizildi. Jabrlanganlar asosan keksalardan iborat. Bu haqda mamlakat sog‘liqni saqlash vazirligi ma’lum qildi, deya xabar bermoqda “TASS”.
Keyingi bir necha kun davomida harorat 40 darajadan tushayotgani yo‘q, janubiy provinsiyalarda esa 50 darajaga boryapti. Jaziramadan o‘lganlarning aksariyati Qohirada istiqomat qilgan: 11 avgust, seshanba kunining o‘zida poytaxtda issiq urishi oqibatidagi 10 ta o‘lim holati qayd etildi.
Izoh (0)