12-avgust, chorshanba kuni Qirg‘iziston Respublikasining Yevroosiyo iqtisodiy ittifoqi (YeOII) to‘g‘risidagi bitimga qo‘shilishi haqidagi shartnoma kuchga kirdi. Mamlakat Armaniston, Belarus, Qozog‘iston va Rossiya qatorida ushbu tuzilmaning to‘laqonli a’zosiga aylandi. Bu haqda Kazakhstan Today xabar bermoqda.
“Ittifoqqa qo‘shilish Qirg‘iziston uchun yangi imkoniyatlarni yaratadi: mahsulotlar, xizmatlar, kapital va ishchi kuchi borasidagi to‘siqlar olib tashlanadi. Mamlakat fuqarolari ittifoqning istalgan davlatida mahalliy aholi uchun yaratilgan sharoitlarda ishlash huquqiga ega bo‘ladi”, —deyiladi ushbu munosabat bilan tarqatilgan Yevroosiyo iqtisodiy komissiyasi (YeIK) bayonotida.
Izoh (0)