Нима учун йўловчи самолётларида парашют бўлмайди?

Халқаро қоидаларга кўра, йўловчи лайнерларига ортиқча ва самарасиз буюмлиги учун парашютлар берилмайди, деб хабар қилади «abcfakt.ru».

Агар парашютлар йўловчи самолётларига юкланганида ҳаво кемаси ортиқча юк ортишига тўғри келади. Бунинг учун эса бир неча йўловчи ўринларини бўш қолдириш керак бўлади. Бу эса авиакомпания учун иқтисодий томондан йўқотиш деганидир.

Ҳалокат вақтида ҳеч қандай тайёргарликка эга бўлмаган йўловчи парашютни тўғри тақиб, ҳеч қандай саросимасиз сакраш жойига етиб ололмайди. Бундан ташқари, учувчилар ва бошқа хизматчилар ўз жонини сақлаб қолиш истагида қулаётган самолётни ташлаб қочмаслиги учун уларга ҳам парашютлар берилмайди.

АҚШда 20 йил ичида юз берган 568 аварияни таҳлил қилиш натижасида бортда бўлган йўловчиларнинг фақатгина 5 фоизи ҳалок бўлгани аниқланди. Ҳалокатга учраган 53 минг кишидан 51 минги тирик қолган.

Яна шуни унутмангки: авиаҳалокатларнинг 90 фоизи самолёт кўтарилаётганда ёки қўнаётганда содир бўлади. 20 метр баландликда сизга парашют керак бўлиши даргумон. Юқорида айтиб кетилган тадқиқотлар яна шуни кўрсатганки, самолёт ҳавода тўлиқ парчаланиб кетганида бортда бўлган йўловчилардан 50 фоизи омон қолар экан.