Koreya Respublikasining Fan va texnologiyalar universiteti delegatsiyasi 12—16-iyul kunlari O‘zbekistonga tashrif buyuradi, deya xabar bermoqda UzDaily. Tashrifdan maqsad iste’dodli talabalarni jalb etish va OTMning Markaziy Osiyodagi hamkorligini kengaytirishdan iborat.
Delegatsiya Axborot texnologiyalarini rivojlantirish vazirligi, Toshkentdagi Inha universiteti, Toshkent axborot texnologiyalari universiteti, Toshkent davlat texnika universiteti va Samarqand davlat universitetiga boradi.
Nashr yozishicha, Fan va texnologiyalar universitetining 11 yillik tarixida uning birgina o‘zbekistonlik bitiruvchisi bo‘lgan, biroq universitet rahbariyati ushbu raqamni ko‘paytirish istagida.
Izoh (0)