Корея Республикасининг Фан ва технологиялар университети делегацияси 12—16 июль кунлари Ўзбекистонга ташриф буюради, дея хабар бермоқда UzDaily. Ташрифдан мақсад истеъдодли талабаларни жалб этиш ва ОТМнинг Марказий Осиёдаги ҳамкорлигини кенгайтиришдан иборат.
Делегация Ахборот технологияларини ривожлантириш вазирлиги, Тошкентдаги Инҳа университети, Тошкент ахборот технологиялари университети, Тошкент давлат техника университети ва Самарқанд давлат университетига боради.
Нашр ёзишича, Фан ва технологиялар университетининг 11 йиллик тарихида унинг биргина ўзбекистонлик битирувчиси бўлган, бироқ университет раҳбарияти ушбу рақамни кўпайтириш истагида.
Изоҳ (0)