Sifatli aloqa va uning keng qamrovini taqdim etish va 8,5 milliondan ortiq abonentga xizmat ko‘rsatish Ucell’ning nafaqat poytaxtdagi, balki butun O‘zbekistondagi faoliyatining ustuvor maqsadi hisoblanadi. Kompaniyaning alohida e’tibori markazida aholi zich yashaydigan hududlar, olis va tog‘li mintaqalar, shuningdek uzoq joylarni sifatli mobil aloqa bilan ta’minlash vazifasi turadi. Aynan shuning uchun ham mijozning shaxsiy ehtiyojlari kompaniyaning asosiy ustuvorliklari qatoriga kiradi. O‘z mijozlari fikrlarini tinglagan holda kompaniya muntazam ravishda mintaqadan qat’i nazar mamlakat aholisining shaxsiy ehtiyojlari va xarid qobiliyatini kuzatib boradi.
Abonentlar ehtiyojlarini o‘rgangan holda Ucell kompaniyasi Farg‘ona shahri va Farg‘ona viloyati aholisi uchun maxsus, noyob “Diyorim” tarifini taklif etadi. Ushbu tarifga ulangan abonentlar chegirma bilan muloqotda bo‘lishlari mumkin — tarmoq ichida daqiqasiga yarim sent, O‘zbekiston bo‘ylab 1,5 sent.
Abonent “Diyorim” tarifiga *717# raqamiga USSD so‘rov yuborib, o‘tishi mumkin. Tarifga Farg‘ona viloyatining haqi oldindan to‘lanadigan tizimdagi mavjud va yangi abonentlari uchun amal qiladi. Yangi tarifning asosiy afzalliklari — oddiylik va tejamkorlik.
Qayd etish joiz, bugungi kunda Farg‘ona viloyatida Ucell’ning ikkita xizmat ko‘rsatish ofisi faoliyat yuritmoqda, ulardan biri joriy yilning fevral oyida ishga tushdi. Ucell-Farg‘ona va Ucell-Qo‘qon ofislarida abonentlarga xizmatlarning keng tanlovi taklif etiladi. Bu yerda tarmoqqa ulanish, aloqa xizmatlari haqini to‘lash, qo‘shimcha xizmatlarni tanlash, professional maslahatlar olish, mobil internetdan foydalanish uchun modem sotib olish mumkin. Shuningdek, Farg‘onada Ucell kompaniyasining 114 ta dileri va 10 mobil dileri faoliyat yuritadi.
Aloqa va internetni barcha toifadagi abonentlarga yetkazishga harakat qilib kompaniya bozordagi narx va sifatning eng yaxshi mutanosibligi bilan tariflarni ishlab chiqmoqda. Mana, hozir Farg‘ona aholisi uchun navbatdagi qadam tashlandi. Bu O‘zbekistonning aholisi eng zich joylashgan hududi bo‘lib, Ucell kompaniyasining bu yerdagi 15 ta tumanda 40 mingdan ortiq abonentlari mavjud.
Reklama huquqi asosida
Izoh (0)