Toshkent Xalqaro Vestminster universiteti Magistratura dasturlariga marhamat!

Toshkent Xalqaro Vestminster universiteti (TXVU) 2002-yilda tashkil topgan bo‘lib, O‘zbekistondagi birinchi xalqaro toifadagi universitet hisoblanadi. Bugungi kunda yurtimizning eng ilg‘or va yetakchi oliy o‘quv yurtlaridan biri, TXVUning magistratura bo‘limida “Xalqaro biznes va menejment” (MA in International Business & Management), “Xalqaro tijoriy huquq” (LLM in Commercial Law) va “Muallimlar uchun maxsus malaka oshirish kursi” (Pg Cert Special Study in Learning & Teaching) ixtisosliklari bo‘yicha o‘quv dasturlari taqdim etiladi.

Barcha magistratura dasturlari London Vestminster Universiteti tomonidan rasman tasdiqlangan bo‘lib, tanlangan yo‘nalish bo‘yicha oliy toifadagi xalqaro ta’lim va diplomga ega bo‘lmoqchi, turli xil tashkilotlarda boshqaruvchi va yetakchilar tarkibiga qo‘shilish istagida bo‘lganlar uchun mos keladi. O‘qish kechki payt soat 18:00 dan keyin o‘tkazilishi tufayli, ham o‘qib, ham ishlashni istagan talabalar uchun juda qulay.

“Xalqaro biznes va menejment (MAIBM)” to‘xtovsiz oshib borayotgan biznes va menejmentga oid bilim va tajriba globallashuviga katta ahamiyat qaratadi, menejmentning barcha ko‘rinishlari bilan intensiv tanishtiruv orqali talabalarni xalqaro biznesda ilmiy tajribalarini tatbiq etishga o‘rgatadi.

Dastur 2008-yil bitiruvchisi Shodiyabegim Baxtiyorzoda shunday dedi:

Men TXVUdagi MAIBM’da tahsil olayotgan yillarimda havo yo’llari sohasida ishlardim va mazkur kurs ish faoliyatimda yangi zafarlarlarga erishishimga katta yordam berdi. Dastur haqiqiy boshqaruv jarayonining deyarli barcha sohalariga tegishli nazariy va amaliy bilimlarni o‘rgatadi. Ushbu kurs zamonaviy rahbarlar uchun zarur bo‘lgan tashkilotlar dinamikasi, kadrlar boshqaruvi, strategiya ishlab chiqish va tashkilotlararo aloqa ishlari kabi dasturlarni o‘z ichiga oladi.    

— Shodiyabegim Baxtiyorzoda, Mahsulot muhandisi va loyihalar koordinatori, General Motors Powertrain Uzbekistan

Dastur talabasi Mixail Budnikov shunday dedi:

Aslida, bakalavr mutaxassisligim Iqtisod yo‘nalishi bo‘yicha, ish faoliyatim tijoriy huquq yo‘nalishidagi bilimlarni talab qilgani sababli TXVUdagi LLM dasturini tanlashga qaror qildim. Bu dastur bir vaqtning o‘zida ham ishlab ham o‘qib-o‘rganish imkonini bergani uchun, men o‘z bilimlarimning darhol amaliy yordamini his qildim. Neft va gaz sohasida ish yuritar ekanman, bizning tashkilotimiz kon kompaniyalarini kerakli uskunalar bilan ta’minlaydi. TXVUda orttirgan bilimlarim tufayli ko'pgina muvaffaqiyatli shartnomalar tuzishga va tashkilotimiz uchun yangi hamkorlar orttirishga muvaffaq bo‘ldim.

— Mixail Budnikov, Tashqi aloqalar bo‘yicha mutaxassis, Engineering Pte. Ltd Enter — Singapur neft va gaz qurilish kompaniyasi Toshkentdagi vakolatxonasi

Kursning 2010-yil bitiruvchisi Natalya Muzafarova shunday dedi:

PG Cert o‘qituvchi kasbini tanlaganlar uchun eng ajoyib kurs! Darslar TXVUning eng yaxshi pedagoglari tomonidan tinglovchilar ehtiyojlariga har tomonlama moslashtirilgan holda olib boriladi. Darslar va kurs ishlarini yozish davomida siz o‘z dars o‘tish usulingizni tanqidiy tahlil qilishga, o‘qitish uslubingizni bosqichma-bosqich yaratishga erishasiz. Kurs davomida zamonaviy o‘qitish metodlari o‘rganilishi sababli, har bir o‘qituvchi bilim berish texnikasini zamon talablariga mos ravishda rivojlantirib, o‘z ma’ruza va darslarini o‘quvchilar uchun yanada qiziqarli va mazmunli tarzda o‘tkazishga muvaffaq bo‘ladilar.

— Natalya Muzafarova, Moliya fani bosh o‘qituvchisi, Toshkent Xalqaro Vestminster universiteti

Magistratura dasturlari qabul talablari:

• Bakalavr diplomi
• Kamida 1 yillik ish tajribasi
• 6,5 balldan kam bo‘lmagan IELTS yoki 92 balldan kam bo‘lmagan TOEFL (iBT) sertifikati. Agar siz xalqaro miqyosda tan olingan, ingliz tilida dars o‘tiladigan universitet diplomiga ega bo‘lsangiz, ushbu sertifikatlar talab qilinmaydi.

• Tel: +(998-71) 238-74-45
• Veb-sahifa: http://www.wiut.uz/en/courses/postgraduate
• Veb-sayt: www.wiut.uz; www.westminster.uz; elektron pochta: info@wiut.uz