Аввал хабар қилинганидек, Ўзбекистон Республикаси Президенти Ислом Каримов жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари билан танишиш мақсадида 30 июнь – 1 июль кунлари Қашқадарё вилоятида бўлди. Бу ҳақда ЎзА хабар бермоқда.
Давлат раҳбари Қашқадарё вилоятига сафарининг иккинчи куни Касби туманидаги «Камол Султон» фермер хўжалиги даласига ташриф буюрди.
Президент Қарши ва Шаҳрисабз шаҳарларида амалга оширилаётган улкан қурилиш ва ободонлаштириш ишлари «Кеча ким эдигу бугун ким бўлдик?» деган саволга жавоб эканини, улар вилоят қиёфасини ўзгартириб, аҳоли фаровонлигини янада юксалтиришга хизмат қилаётганини алоҳида таъкидлади.
Президент фермер ва ишчиларнинг меҳнат қилиши ҳамда дам олиши учун яратилган имкониятлар, оилавий шароитлари билан қизиқди.
Давлат раҳбари пахта ҳосили ривожига ҳам аҳамият қаратди. Қашқадарё иқлими ва тупроқ шароитига мос серҳосил навларни кўпайтириш зарурлигини таъкидлади.
Ислом Каримов Косон туманидаги «Пудина массиви» фермер хўжалиги даласида ҳам бўлди.
Изоҳ (0)