Ozodbek nomli DVD pleyer surati bir zumda telegram va boshqa ijtimoiy tarmoqlarda hafta yangiligiga aylandi. Suratlarni o‘zidanoq bu fotoshop emasligi ko‘rinib turibdi, deb xabar beradi “Sayyod.com”.
Dunyo miqyosidagi mashhurlar nomi brendi ostida turli mahsulotlar bo‘lishi va ular asosan o‘sha yulduzning o‘ziga tegishli bo‘lishidan xabardormiz. Ammo xonandaga atalgan texnika chiqqani O‘zbekistonda yangilik bo‘lsa kerak.
Bunday biznes ko‘pincha xonandaning o‘ziga tegishli bo‘ladi, biroq Ozodbek holatida buning aksi ko‘rinadi. “Sayyod.com” nashri bu borada Ozodbek Nazarbekovning fikri bilan qiziqdi.
“Ikki kun avval andijonlik do‘stlarim suratini yuborishganida bundan xabar topdim. Bu muxlislarim yoki tijoratchilarmi boshqasidan xabarim yo‘q. Bunaqa ishlar birinchi marotaba emas, shuning uchun taajjublanmadim”, — deydi O‘zbekiston xalq artisti Ozodbek Nazarbekov.
Nashr qayd etishicha, bunday ishlar uchun xonanda mahsulot sotuvidan tushgan daromadni foiziga da’vo qilishi yoki ishlab chiqaruvchilarni jarimaga torttirib, DVD pleyerlarni chiqarishni taqiqlash huquqiga ega.
Izoh (0)