Hindiston sharqidagi G‘arbiy Bengaliya shtatida yuz bergan ko‘chki qurbonlari soni 30ga yaqinlashdi. Bu haqda “RIA Novosti” xabar bermoqda.
Avvalroq tabiiy ofat natijasida 18 kishi hayotdan ko‘z yumgani haqida axborot berilgandi.
“Hozirgacha 28 kishining jasadi topildi, yana bir necha kishi bedarak yo‘qolgan deb gumon qilinmoqda”, - deydi Jarjiling politsiyasi vakili.
Ko‘chki natijasida ko‘prik yuvilib ketgani sabab, Jarjiling va Sikkim o‘rtasidagi harakat uzilib qolgan, ikkita mahalliy avtomagistral esa to‘silib qolgan.
Yaqin vaqt ichida tabiiy ofatdan zarar ko‘rgan tumanga G‘arbiy Bengaliya shtati bosh vaziri Mamata Banerji kelishi, qidiruv-qutqaruv ishlariga esa armiya jalb etilishi kutilmoqda.
Ko‘chki Jarjiling, Kalimpong va Kerseong tumanlarida seshanba kunidan beri tinimsiz yog‘ayotgan kuchli yomg‘ir sabab yuz bergani aytilmoqda.
Izoh (0)