Ҳиндистон шарқидаги Ғарбий Бенгалия штатида юз берган кўчки қурбонлари сони 30га яқинлашди. Бу ҳақда «РИА Новости» хабар бермоқда.
Аввалроқ табиий офат натижасида 18 киши ҳаётдан кўз юмгани ҳақида ахборот берилганди.
«Ҳозиргача 28 кишининг жасади топилди, яна бир неча киши бедарак йўқолган деб гумон қилинмоқда», - дейди Жаржилинг полицияси вакили.
Кўчки натижасида кўприк ювилиб кетгани сабаб, Жаржилинг ва Сикким ўртасидаги ҳаракат узилиб қолган, иккита маҳаллий автомагистрал эса тўсилиб қолган.
Яқин вақт ичида табиий офатдан зарар кўрган туманга Ғарбий Бенгалия штати бош вазири Мамата Банержи келиши, қидирув-қутқарув ишларига эса армия жалб этилиши кутилмоқда.
Кўчки Жаржилинг, Калимпонг ва Керсеонг туманларида сешанба кунидан бери тинимсиз ёғаётган кучли ёмғир сабаб юз бергани айтилмоқда.
Изоҳ (0)