Yaponiyada 80 yoshli erkakning oshqozonidan Niigata prefekturasi kasalxonasi shifokorlari tomonidan 30 yil oldingi operatsiyada unutib qoldirilgan bint olib tashlandi, deb xabar beradi “Newskaz.ru”.
Iyun oyida tekshiruvlardan so‘ng erkakning oshqozonida shish borligi gumon qilinib, unga operatsiya tavsiya qilingandi. Operatsiya vaqtida oshqozondan olib tashlangan “shish” 30 yil oldingi bint bo‘lib chiqdi. Kasalxona bu ish uchun erkakdan uzr so‘radi.
2014-yil dekabr oyida ham xuddi shu shifoxonada bir bemorning sonidan 27 yil oldingi operatsiyada unutib qoldirilgan qonni shimib oladigan dorilangan doka chiqarib olingandi. 2002-yilda esa boshqa bemorning tanasida 11 yil qolib ketgan doka olib tashlangandi.
Kasalxona ma’muriyati bu kabi holatlarning oldini olish maqsadida barcha dorilangan paxta va dokalarni operatsiyadan oldin va keyin bittalab hisoblab, operatsiyadan keyin bemorni rentgenga tushirishni joriy qilmoqchi.
Izoh (0)