Qirg‘izistonda 23-iyun, seshanbadan 24-iyun, chorshanbaga o‘tar kechasi bo‘lib o‘tgan do‘l aralash kuchli jala bir qancha tumanlarda sel kelishiga sabab bo‘ldi, deya xabar bermoqda “Segodnya.ua” mamlakat favqulodda vaziyatlar vazirligiga tayanib.
Ma’lumotlarga ko‘ra, Qirg‘iziston shimolidagi Talas viloyatining Manas tumanida sel oqimi dambaning bir qismini buzgan va oqibatda dalalar, maktab, masjid va 44 ta xonadon suv ostida qolgan.
Botken tumanida Gaz – Sogment va Oygul — Tayan avtoyo‘lining bir qismi buzilgan. Qadamjoy tumanida ham yo‘llar va dalalarni suv bosgan.
Ayni paytda yetkazilgan zarar hisoblab chiqilmoqda. Qirg‘iziston gidrometmarkazi esa kelayotgan uch kun jala kutilayotganligi to‘g‘risida ogohlantirish bergan.
Izoh (0)