KFC’ning Kaliforniyadagi restorani muassasani tovuq o‘rniga kalamush go‘shtidan taom tayyorlaganlikda ayblagan xo‘randadan kechirim so‘rashni talab qildi, deb xabar beradi Foxnews.
Restoran vakillari “kalamush” DNKsini mustaqil laboratoriyada tekshirganlaridan so‘ng mijozni yolg‘onchilikda aybladi. KFC’dagilar nafaqat genetiklarga murojaat qilgani, balki ichki tekshiruv o‘tkazib, barcha xodimlarni so‘roq qilganini ham ta’kidladi.
Restoranlar tarmog‘i vakili Rodrigo Koronelning so‘zlariga ko‘ra, muassasani tanqid qilgan xaridor Devorayz Dikson nohaq bo‘lib chiqdi. Dikson va uning advokati hozircha KFC’ning bayonotiga javob bermayapti.
Oldinroq tarmoq menejerlari mijoz bilan bog‘lanishga uringandi, ammo u kompaniya bilan to‘g‘ridan-to‘g‘ri muloqot qilishdan bosh tortib, buning uchun yurist yollagandi.
Iyun oyi o‘rtalarida Dikson kemiruvchining shakliga o‘xshash taom suratini ijtimoiy tarmoqqa joylagandi. Xo‘randa KFC restoranida unga qovurilgan kalamush keltirishganini yozgandi. Kompaniya avvaliga bu taom tovuqdan tayyorlanganini tushuntirishga urindi, ammo ushbu voqea yetakchi OAV tomonidan yozilganidan keyin hodisani sinchiklab o‘rganishga qaror qildi.
Izoh (0)