Avstraliyadagi yo‘l-tarnsport hodisasida 40 yildan buyon o‘zini qonunga rioya qiluvchi fuqaro qilib ko‘rsatgan erkak halok bo‘ldi, deya xabar bermoqda Tampa Bay Times. Aniqlanishicha, u Yashil qit’aga kelishidan avval narkotiklar kontrabandasi bilan shug‘ullangan va AQShda o‘z o‘limini sahnalashtirish orqali suddan qochib qutulgan.
1974-yilda 37 yoshli Reymond Greydi Stensil narkotiklar savdosida ayblanib, hibsga olingan. U 500 ming dollar garov puli evaziga qo‘yib yuborilgan. Belgilangan sud majlisiga kelmagach, advokati u akvalangda suzayotib cho‘kib ketganini aytgan. Hodisa haqida gumonlanuvchining dugonasi Jenit Vud guvohlik bergan. Aslida esa Reymond xotini va to‘rt farzandini tashlab Jenit bilan dunyo bo‘ylab sayohatga chiqib ketgan. Oxiri ular Avstraliyada qaror topgan.
Juftlik turmush qurgan, farzandli bo‘lgan. Reymond umrining qolgan qismini boshqa ism ostida turoperator sifatida yashab o‘tgan va o‘z tumanida hurmatli odamga aylangan. 78 yoshida esa avtomobil halokatiga uchrab hayotdan ko‘z yumgan.
Reymondning o‘tgan hayoti haqida Jenit jurnalistlarga so‘zlab bergan.
Izoh (0)