Қирғизистонда 23 июнь, сешанбадан 24 июнь, чоршанбага ўтар кечаси бўлиб ўтган дўл аралаш кучли жала бир қанча туманларда сел келишига сабаб бўлди, дея хабар бермоқда «Сегодня.ua» мамлакат фавқулодда вазиятлар вазирлигига таяниб.
Маълумотларга кўра, Қирғизистон шимолидаги Талас вилоятининг Манас туманида сел оқими дамбанинг бир қисмини бузган ва оқибатда далалар, мактаб, масжид ва 44 та хонадон сув остида қолган.
Боткен туманида Газ – Согмент ва Ойгул — Таян автойўлининг бир қисми бузилган. Қадамжой туманида ҳам йўллар ва далаларни сув босган.
Айни пайтда етказилган зарар ҳисоблаб чиқилмоқда. Қирғизистон гидрометмаркази эса келаётган уч кун жала кутилаётганлиги тўғрисида огоҳлантириш берган.
Изоҳ (0)