Falastin milliy ma’muriyati rahbari Mahmud Abbos bir yil davomida o‘z oldiga qo‘yilgan asosiy vazifa – Falastin hokimiyatidagi bo‘linishga barham berish va siyosiy tizim butunligini qayta tiklashni uddalay olmagan milliy birdamlik hukumati iste’fosini qabul qildi. Bu haqda “RIA Novosti” xabar bermoqda.
Mahmud Abbos yangi hukumatni shakllantirish haqidagi ko‘rsatmani amaldagi bosh vazir Rami Hamdallaga bergan. “Ularning uchrashuvi yakuniga yetgani yo‘q, biroq Abbos hukumatning iste’fosini qabul qildi va Hamdallaga yangi mahkamani shakllantirish haqida ko‘rsatma berdi”, - deydi manba.
Falastin milliy birdamlik hukumati bir yil avval G‘azo sektorida nufuzli bo‘lgan muxolifatdagi diniy harakat – HAMAS va Mahmud Abbos rahbarligidagi FATH harakatlari o‘rtasidagi kelishuvlar asosida shakllantirilgan edi.
Izoh (0)