“Ukraina ovozi” parlament gazetasida 17-iyun, chorshanba kuni Viktor Yanukovichni Ukraina prezidenti nomidan mahrum etish haqidagi qonun e’lon qilindi, deb yozadi “Korrespondent.net”. Qonun matnida keltirilishicha, u e’lon qilinganidan bir kun o‘tib kuchga kiradi.
Oliy Rada rasmiy saytida keltirilishicha, tegishli qonun loyihasi bir guruh deputatlar tomonidan 29-yanvarda kiritilgan, u 4-fevralda ovozga qo‘yilgan va 9-fevralda prezidentga imzo qo‘yish uchun yo‘naltirilgan edi.
Nashr ta’kidlashicha, Ukraina Konstitutsiyasiga muvofiq, Ukraina prezidenti nomi qonun bilan himoya qilinadi va lavozimdan impichment tartibida olib tashlanmagan bo‘lsa, unda bir umrga saqlanib qoladi.
Izoh (0)