Volvo kompaniyasi Amerika va Shvetsiya qo‘shiqchisi Mapei bilan maxsus loyiha doirasida klip suratga oldi, unda FH shatakchisi ikki g‘ildirakda turgan holda 45 daraja burchak ostida engashib kamera oldidan o‘tib ketadi, deya xabar bermoqda “Motor.ru”.
Yuk mashinasi ishtirokidagi tryukni Berlin tashqarisida suratga olishdi, uni italiyalik professional kaskadyor boshqardi. Mashinani chap ikki g‘ildirakda turg‘azish uchun u qiya platformaga o‘ng g‘ildiraklar bilan chiqib, so‘ng undan sakrab tushishi kerak edi. Biroq ag‘darilishdan himoyalangan FH haydovchiga belgilangan masofani ikki g‘ildirakda bosib o‘tishga imkon bermadi va o‘zini to‘rt g‘ildirakli holatga qaytarib olaverdi.
Syomka jarayonida qatnashib, yuk mashinasi holatini kuzatib turgan Volvo operatorlari xavfsizlik tizimini o‘chirgach, muammo hal bo‘ldi va haydovchi tryukni amalga oshirdi. Birinchi dublda qo‘shiqchi xatolikka yo‘l qo‘ygach, bunday murakkab tryukni kaskadyor ikkinchi marta ham takrorlashga majbur bo‘ldi.
Izoh (0)