Warner Bros. kinokompaniyasi Las-Vegasdagi Licensing Expo ko‘rgazmasida “Betmen Supermenga qarshi: Adolat tongida” filmi bosh qahramoni boshqaradigan avtomobil maketini namoyish etdi. Motor.ru’ning qayd etishicha, avtomobil soatiga 330 kilometr tezlikda harakatlana oladi.
Yangi “Betmobil”ning dvigateli haqidagi ma’lumotlar sir saqlanmoqda. Uni ishlab chiqish vaqtida ham fuqarolik texnologiyalaridan, ham harbiy ishlanmalardan foydalanilgani ma’lum, xolos. “Betmobil”ning uzunligi olti metrdan ortiq, og‘irligi esa 3175 kilogrammga teng.
Avtomobilning tumshuq qismiga ikkita harakatlanuvchi katta kalibrli pulemyoti bor turel o‘rnatilgan. To‘liq zirhlangan avtomobilga, shuningdek, “faol himoya tizimi” va stels-texnologiyalar ham tatbiq etilgan.
“Betmen Supermenga qarshi: Adolat tongida” filmi premyerasi 2016-yil bahorida bo‘lib o‘tishi kutilmoqda. Filmda bosh rollarni Ben Afflek va Genri Kavill ijro etgan.
Izoh (0)