O‘zbekiston terma jamoasining Shimoliy Koreyaga boradigan yakuniy tarkibi ma’lum bo‘ldi, deb xabar qiladi O‘zbekiston futbol federatsiyasi matbuot xizmati.
Jarohatlari tufayli Shimoliy Koreyaga qarshi o‘yinda terma jamoaga Server Jeparov hamda Zohir Qo‘ziboyev yordam bera olmaydi. Server Jeparov milliy terma jamoa yig‘iniga qadar jarohat olgani va ushbu o‘yinda jamoaga yordam berolmasli ma’lum bo‘lib ulgurgan bo‘lsa, Qo‘ziboyev Eronga qarshi o‘rtoqlik uchrashuvida jarohatlandi.
Jarohatlarga qaramay milliy terma jamoa Pxenyanga to‘liq tarkib bilan uchib ketadi. Safdan chiqqan Zohir Qo‘ziboyev o‘rniga terma jamoa safiga “Lokomotiv” futbolchisi Sanjar Shoahmedov chaqirildi. Ushbu mavsumda “temiryo‘lchilar” yarim himoyachisi juda yaxshi o‘yin namoyish etmoqda va bu terma jamoa murabbiylar shtabi nazaridan chetda qolmadi.
Hozirga qadar 24 yoshli Shoahmedov milliy terma jamoaga faqat bir marta jalb etilgan. O‘tgan yili Sanjar Ummonga qarshi o‘rtoqlik o‘yinida o‘zining terma jamoadagi debyutini o‘tkazgandi.
Quyida O‘zbekiston milliy terma jamoasining Shimoliy Koreyaga boradigan yakuniy tarkibini keltirib o‘tamiz.
Darvozabonlar: Eldor Suyunov (“Nasaf”), Akbar To‘rayev (“Bunyodkor”), Ignatiy Nesterov (“Lokomotiv”).
Himoyachilar: Anzur Ismoilov (“Chanchun Yatay”, Xitoy), Shavkat Mullajonov (“Lokomotiv”), Shuhrat Muhammadiyev (“Nasaf”), Yegor Krimets (“Paxtakor”), Islom To‘xtaxo‘jayev (“Lokomotiv”), Vitaliy Denisov (“Lokomotiv”, Rossiya), Akmal Shorahmedov (“Bunyodkor”), Farrux Sayfiyev (“Nasaf”).
Yarim himoyachilar: Aziz Haydarov (“Ash-Shabob”, BAA), Odil Ahmedov (“Krasnodar”, Rossiya), Sanjar Shoahmedov (“Lokomotiv”), Lutfulla To‘rayev (“Lokomotiv”), Sanjar Tursunov (“Vorskla”, Ukraina), Sardor Rashidov (“Bunyodkor”), Shohrux Gadoyev (“Nasaf”), Ikrom Aliboyev (“Lokomotiv”), Jasur Hasanov (“Lokomotiv”), Fozil Musayev (“Sepaxon”, Eron).
Hujumchilar: Bahodir Nasimov (“Padideh”, Eron), Igor Sergeyev (“Paxtakor”).
Izoh (0)