Badiiy gimnastika bo‘yicha O‘zbekiston terma jamoasi a’zolari Janubiy Koreyada o‘tkazilgan Osiyo chempionatida oltin medalga sazovor bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar beradi.
Jamoaviy musobaqalarda O‘zbekiston sharafini himoya qilgan Yelizaveta Nazarenkova, Anastasiya Serdyukova va Anora Davlyatova eng yuqori ball jamg‘arib, shohsupaning eng yuqori pog‘onasiga ko‘tarildi. Mazkur musobaqada mezbonlar ikkinchi, Qozog‘iston terma jamoasi a’zolari uchinchi o‘rinni egalladi.
Guruh bahslarining ko‘pkurash musobaqalarida ishtirok etgan Luiza Ganiyeva, Marta Rostoburova, Zarina Kurbanova, Valeriya Davidova hamda Samira Amirovadan iborat O‘zbekiston terma jamoasi bronza medali sohibi bo‘ldi.
Ushbu musobaqada xitoyliklar oltin, Yaponiya terma jamoasi esa kumush medalga sazovor bo‘ldi.
Izoh (0)