Бразилиялик мураббий ва собиқ футболчи Зико ФИФА президентлиги учун ўз номзодини қўймоқчи эканлигини маълум қилди, деб хабар беради «Meduza».
«Мен тажриба ва билимларимдан фойдаланишни ўз бурчим деб биламан», — деди Зико. У яна жаҳон футболидаги коррупция кўплаб яхши инсонларнинг оғир меҳнатини йўққа чиқараётганини қайд этди.
Зико мураббий сифатида дунёнинг кўплаб мамлакатларида, шу жумладан Ўзбекистон («Бунёдкор» клуби)да ҳам ишлаганига қарамай, унда юқори лавозимларда ишлаш тажрибаси кам.
Эслатиб ўтамиз, 29 май куни янги муддатга ФИФА президенти этиб тайинланган Йозеф Блаттер 2 июнь куни коррупция билан боғлиқ можаролар туфайли истеъфога чиққанди.
ФИФА президентлиги сайловлари тасдиқланмаган хабарларга кўра, 2015 йилнинг 16 декабрида ўтказилади. Сайловда Зикодан ташқари Иордания шаҳзодаси Али бин ал Ҳуссайн ҳам иштирок этиши кутилмоқда.
Изоҳ (0)