Samsung ҳимояланган Galaxy S6 Active смартфонини расман тақдим этди (фото)

Samsung компанияси янги ҳимояланган Galaxy S6 Active смартфонини расман тақдим этди, деб ёзади «Mail.ru».

Флагман вариацияси кўп жиҳатдан оригинал моделга ўхшаш. Унга 5,1 дюйм ва 2560×1440 пикселли дисплей, саккиз ядроли Exynos 7420 процессори, 3 ГБ тезкор ва 32 ГБ ички хотира, 16 мегапикселли асосий ва 5 мегапикселли олд камера ўрнатилган.

Аккумулятор сиғими анча ошди ва 3500 мА/с ни ташкил қилди, бу Galaxy S6’никидан 950 мА/с га кўп демакдир. Девайснинг асосий ўзига хослиги унинг ҳимояланганлиги ҳисобланади: қурилма қулаган вақтида уни ҳимоя қиладиган резиналанган ёнларга эга, шунингдек MIL-STD 810G ва IP68 ҳарбий стандарти бўйича сертификати бор.

Смартфон 1,2 метр баландликдан ерга тушиши ва ҳеч қандай зиён кўрмаслиги мумкин.

Смартфон 12 июнь куни сотувга чиқади ва дастлаб фақат AT&T учун эксклюзив бўлади. АҚШда унинг нархи 700 долларга тенг (шартнома нархидан субсидияни олиб ташлаганда).