Намангандаги «Фьючерс» турнирида беш нафар ўзбекистонлик теннисчи иккинчи даврага чиқди

Наманган шаҳрида теннис бўйича соврин жамғармаси 15 минг АҚШ долларидан иборат «Фьючерс» турнири давом этмоқда, деб хабар беради «Olamsport.com».

Асосий тўр баҳсларида иккинчи давра иштирокчилари маълум бўлди. Унда беш нафар ўзбекистонлик теннисчи курашни давом эттириш ҳуқуқига эга бўлди.

Саидаъло Саидкаримов жамоадоши Григорий Рейтманни 6:0, 6:2 ҳисобида таслим этди. Унинг чорак финал йўлидаги рақиби турнирнинг биринчи ракеткаси украиналик Денис Молчанов бўлади. Истеъдодли теннисчи Жўрабек Каримов эса қирғизистонлик тажрибали ракетка устаси Данияр Дулдаевга 5:7, 3:6 ҳисобида имкониятни бой бериб қўйди.

Ўзбекистон вакилларидан иккинчи даврада иштирок этиш ҳуқуқини Темур Исмоилов, Санжар Файзиев, Ботир Сапаев ва Саидворис Саидмуҳаммедов қўлга киритди. Бугун, 10 июнь куни иккинчи давра учрашувлари ўтказилади.