Iroqlik sayyohlarni olib ketayotgan avtobus Eron shimolidagi Elbrus tog‘i yo‘llarida halokatga uchradi. Reuters xabariga ko‘ra, hodisa natijasida 25 kishi halok bo‘lgan, 16 kishi tan jarohati olgan.
Dastlabki ma’lumotlarga ko‘ra, hodisaga mashina tormozlarining nosoz holatda ekanligi sabab bo‘lgan. Natijada haydovchi boshqaruvni yo‘qotgan va avtobus 650 metr tepalikdan daryoga qulagan.
Hozirgi vaqtda qutqaruvchilar yana bir yo‘lovchining jasadini izlashmoqda, taxminlarga ko‘ra, uni daryo oqimi olib ketgan bo‘lishi mumkin.
Turli ma’lumotlarga ko‘ra, avtobusdagi yo‘lovchilar ziyoratchilar bo‘lgan yoki Kaspiy dengizi bo‘yidagi kurortlarda dam olish uchun ketayotgan sayyohlar bo‘lgan.
2015-yil aprelida Eronning Mozandaron viloyatida ham deyarli shunday hodisa sodir bo‘lgan, o‘shanda avtobusning jarga qulashi natijasida 12 kishi halok bo‘lib, 28 kishi tan jarohati olgandi.
Izoh (0)