Toshkentdagi “O‘zbekiston” sport majmuasida 30-may kuni 2016-yili Braziliyaning Rio-de-Janeyro shahrida bo‘lib o‘tadigan Olimpiada yo‘llanmalari uchun APB (AIBA Pro Boxing) musobaqasi birinchi davra janglari bo‘lib o‘tdi. Bu haqda 12news.uz xabar bermoqda.
Musobaqalar O‘zbekiston Boks federatsiyasi tomonidan O‘zbekiston Madaniyat va sport ishlari vazirligi, O‘zbekiston Milliy olimpiya qo‘mitasi va Xalqaro havaskor boks assotsiatsiyasi (AIBA) bilan hamkorlikda Toshkent shahrida ilk bor tashkil etildi.
30-may kuni jami to‘rtta jang bo‘lib o‘tdi. Dastlabki yarim final bahsida o‘zbekistonlik bokschi Xurshid Tojiboyev irlandiyalik Devid Joysni 3:0 hisobida mag‘lub etgan bo‘lsa, ikkinchi jangda rossiyalik Dmitriy Polyanskiy braziliyalik Robson Konseysaodan ustun keldi.
Boshqa yana ikki jang esa reyting ochkolari uchun o‘tkazildi. Ularda filippinlik Charli Suarez rossiyalik Muhammadrashid Jabrailovni nokautga uchratgan bo‘lsa, germaniyalik Artur Bril Italiya vakili Domeniko Valentinoga mag‘lub bo‘ldi.
Izoh (0)